الرئيسية » سلطات » سلطة البرغل (الايج\الايتش) Kisir

سلطة البرغل (الايج\الايتش) Kisir

الايج او ايتش هي أكلة تشتهر بها تركيا (Kisir) و أرمينيا (Eetch)و هي موجودة في المطبخ الكردي و الآشوري أيضا بالإضافة للمطبخ السوري و خاصة في حلب و إدلب ، يعتبر الايج من المقبلات المغذية و الخفيفة و تتكون بشكل اساسي من البرغل ، طيبة خفيفة و مناسبة للي عم يعمل ريجيم .

مقادير سلطة البرغل (الايج\الايتش) :

كوب و نصف برغل ناعم منقى و مغسول

حبتان بندورة

حبتان خيار

بصلة مفرومة ناعمة (حسب الرغبة)

باقة بقدونس مغسولة

نعنع أخصر مقطع تقريبا مقدار فنجان قهوة

ملعقة كبيرة دبس فليفلة

ملعقتان كبيرتان دبس رمان

ملح حسب الرغبة

ربع ملعقة صغيرة كمون

ملعقة صغيرة فلفل احمر مطحون (بابريكا)

ربع كوب عصير ليمون

ربع كوب زيت زيتون

طريقة عمل سلطة البرغل (الايج\الايتش) :

في البداية نقوم بنقع البرغل بقليل من الماء الدافئ و نضع عليه الكمون و بودرة الفلفل الاحمر و دبس الفليفلة و نتركها لمدة ساعة تقريبا ، في هذه الاثناء نقوم بتقشير الخيار و فرمه الى مكعبات ناعمة و نقوم بتقشير البندورة و تقطيعها لمكعبات ناعمة ايضا ثم نقوم بتنقية البقدونس و فرمه فرما ناعما و نتركها جانبا ، في ماكينة فرم اللحمة او في محضرة الطعام نقوم بطحن البرغل الناعم لمرة واحدة فقط (ان لم يتوفر المحضرة ادعكيهم بيدك) و بعد الانتهاء من هذه العملية نبدا بتجميع الطبق ، في صينية كبيرة نوعا ما نضع البرغل و نضع عليه دبس الرمان و الزيت و نقوم بمرسه (اي بمعنى عجنه بخفة او دعكه) ثم نضيف البقدونس المفروم و مكعبات الخيار و مكعبات البندورة و نضيف الملح حسب الرغبة و نضيف عصي الليمون و نستمر بالمرس (اي العجن الخفيف) حتى تتجانس المكونات و نقوم بالتذوق فاذا كانت بحاجة للملح او دبس الرمان او الزيت نضيف حسب الرغبة و عند الانتهاء نسكبها في صحون التقديم و تزين حسب الرغبة (يمكن استخدام الخس للتقديم ايضا) و تقدم و صحتين و عافية .

 

سلطة البرغل (الايج\ايتش)

 

 

اضف رد